Dai ako nakakaturog.

Hurop-Hurop

Igwang mga aldaw na mayo akong ibang boot na gibuhon kundi an magturuhok sa sarong kanto kan harong. kun dai ko ini gigibuhon, siguro nagkaratapos ko na an mga checkan o nakagibo na nin midterm exams, o nakahaman nin rawitdawit. Alagad kaipuhan ko nin pagpundo dawa diit sa marikas na dalagan kan sakuyang kinaban. Dai man ta nahuhugakan akong humiro kun dai nganing tawan an sadiri na maka-isip-isip na hanapon an rason kun nata baga ngaya kaipuhan an maghanap-buhay kun nata baga ngaya kaipuhan magpadagos sa pagtukdo. Sa kadakulan nin mga gibuhon kaya, dakol na beses, minamadarali ko an mga gibuhon, garo boot tapuson an gabos, lamangan an oras. Alagad nawawara sa proseso an siram na namit kan paggibo. Nawawara nin saysay an gabos kun nabubuhay na sana sa paggibo.

Nalilingawan ko na only fools rush.

AKO

Isay an ako?
Kun bako sana
an ako an buhay

Isay an ako
sa bakong ako
kun kayang man sanang
gibuhon kan bakong ako
an ginigibo kan ako

Nata dai na sana
maging bakong ako an ako?

Paspason pati an panahon
ibahon na kun kaipuhan ibahon
alagad iwat sana an dapat sanang iwalat.

Oda Sa Tadik

What's with Oda Sa Tadik asin iba pang Bersong Bikol that made me decide to publish it? why such title? What's extraordinary with safety pins? I started writing Bikol poems in 2007. The subjects of my poems then were the things available around my immediate territory, meaning not cosmopolitan world, no MRT nor superhighways. My verses simply portray lives of common tao and see the same world but in a different angle.

With my verses, I wish to fossilize human feelings and give importance to things usually taken for granted, remain unseen by our human eyes. This collection stores my poems written from 2007 to 2009 with varied themes and issues concerning Bikol, its people,land, food, faith, and culture.

This is but my first book, definitely still more to come.

Sain Minahali an Rawitdawit?

An rawitdawit
susog sa kawat kan hawak
gikan sa kalwag kan kalag
lagbas sa pigtatangro kan nguso,
dawa sabihon pang atang an pagtaram.

Balaog na yaon sa laog kan puso
pandugang sa dagmang na aram
bakong maimon na tataramon
an kinukurahaw kan silensyo,
kamurawayan--

Pa-Santa Cruz

Ama na samuyang inaarang
tawan na an uran na haluyon
nang minamawot kan puso niamo.
Surugon Mo lugod kami Kagurangnan,
Ika na samuyang namumutan.

Pagka-antos kan pa-Santa Cruz
sa kapilya, hinahalathalat niamo
an tandan na ibus
Ah, sasalbaron giraray
an samuyang pamanggihan.

Alagad mapatagama na kami
sa paratandan ta tibaad
sa liwat kami an maubosan
Mangkanos kan nagbabarasulan
sa oras nin urulian.

An Soap Opera Kan Sadiri

Isturya an bibilogon
sasaru-saruon
an mga pagirumdom,
pano an kwarta
gagastuson?

Halawig an hahalaton
na katapusan,
garo si mga sarabudan
na pangiturugan.

Pakabuka kan mata
insigida tulos
mapoon daing tapos
na isturya.

Pasko nin Sarong Gurang

Tambak
an kinakanan
na huhurugasan.

purukit na
patos nin
regalo
warairak
sa salog.

an mga minakurap-kurap
na bumbilya
na pigsarablay
sa bintana
hinulbot na
sa saksakan.

giraray
dai girong-girong
an kinaban

siring sa dati
piglalangkag
niya
si mayo.

Pagsukol nin bado

Iisipon ko na sanang magagamit taka
sa haruhalawig na panahon.
Idtong mahihiling ko pa
kun pano maludas an saimong kulor
Idtong ako pa mismo
an makakarisa kan mga parteng
igwang kinagatan
nin kino o makaka-aram
kun tano nababa
an laylayan mo.

Boot ko na ako pa
an mabakal nin pansalida saimo.
Dawa idto sanang dyison
idtong dai ako manhinayang
kun pira ko sana magamit
o kun ititon giraray nin kino

tsaga-tsagaan ko na
ta perang beses na sana man
gayod ini bubuluson.

Paghalat

Mabinino
an pag-abot
kan haloy na
piglangkag.

Igwang
puro
lambang
paghalat.

An mga Inaaling kan Banggi

Ngunian
nakamaratian
an kapagalan.

Ngunian
na nagpapahingaw
na an kinaban.

Ngunian
Pagkatarapos
kan gabos

Ngunian
giraray
nangururos.

Bulan nin mga Gadan

Minsan gusto kong isipon na swerte an magadan. Dai na mangangaipo, dai na mahahadit, dai na matatakot. Matatakasan an anuman na klase nin problema na pig-aatubang kan lambang buhay sa kinaban, alagad dai ko man sinasabi na problema an mabuhay.

An mga buhay dai maaapod na buhay kun bako sa mga gadan. Padagos an mga buhay na naghahanapbuhay nganing padagos na mabuhay. Dikit sana an mga buhay na boot magadan dai ko lang sherto kun may mga gadan man na gusto pa giraray mabuhay.

Padagos lugod satong magdanay an buhay. Sarong matuninong na aldaw nin mga gadan sa gabos na buhay.

Oda sa Sinawisaw

Arog kaini
kun pano
pigdadakop
an pagnamit
kan kinaban,

Hinahalian
nin labsay.

Binubugtakan
nin dikit
na askad,
pait,
hamis,
harang.

Uurukagon
an gabos
sa ibabaw
kan pigbuhay
na kalayo.

School Publication

Early this June, I was assigned to be one of the advisers of the would-be school publication of our school. Following the time table set earlier the school publication should be released this October, so I am hoping that the student journalists will have time to write their share for the paper. I hope to release the maiden issue, I hope to be part of the school history.

To add to the pressure, our team was invited to join the local press conference for student journalists, I am excited to join, though not a participant but as a coach. To practice my writers I asked them to write several times, my conclusion after reading their drafts, student journalists nowadays tend to write poetry, short story and feature articles rather than hard news. But sadly the contest is focused on the hard news.

I think I am ready to accompany my students to the press con, no matter what the results will be. Many times when ask for the secret of a good writer, I usually answered, "according to them, they develop skill in writing by a cyle of reading, writing and revising".

PTALB 2009

Sa aga na an awarding kan 6th Premio Tomas Arejola para sa Literaturang Bikolnon. Congratulations sa gabos.