Isturya an bibilogon
sasaru-saruon
an mga pagirumdom,
pano an kwarta
gagastuson?
Halawig an hahalaton
na katapusan,
garo si mga sarabudan
na pangiturugan.
Pakabuka kan mata
insigida tulos
mapoon daing tapos
na isturya.
Thursday, February 25, 2010
Thursday, December 24, 2009
Pasko nin Sarong Gurang
Tambak
an kinakanan
na huhurugasan.
purukit na
patos nin
regalo
warairak
sa salog.
an mga minakurap-kurap
na bumbilya
na pigsarablay
sa bintana
hinulbot na
sa saksakan.
giraray
dai girong-girong
an kinaban
siring sa dati
piglalangkag
niya
si mayo.
an kinakanan
na huhurugasan.
purukit na
patos nin
regalo
warairak
sa salog.
an mga minakurap-kurap
na bumbilya
na pigsarablay
sa bintana
hinulbot na
sa saksakan.
giraray
dai girong-girong
an kinaban
siring sa dati
piglalangkag
niya
si mayo.
Monday, November 30, 2009
Pagsukol nin bado
Iisipon ko na sanang magagamit taka
sa haruhalawig na panahon.
Idtong mahihiling ko pa
kun pano maludas an saimong kulor
Idtong ako pa mismo
an makakarisa kan mga parteng
igwang kinagatan
nin kino o makaka-aram
kun tano nababa
an laylayan mo.
Boot ko na ako pa
an mabakal nin pansalida saimo.
Dawa idto sanang dyison
idtong dai ako manhinayang
kun pira ko sana magamit
o kun ititon giraray nin kino
tsaga-tsagaan ko na
ta perang beses na sana man
gayod ini bubuluson.
sa haruhalawig na panahon.
Idtong mahihiling ko pa
kun pano maludas an saimong kulor
Idtong ako pa mismo
an makakarisa kan mga parteng
igwang kinagatan
nin kino o makaka-aram
kun tano nababa
an laylayan mo.
Boot ko na ako pa
an mabakal nin pansalida saimo.
Dawa idto sanang dyison
idtong dai ako manhinayang
kun pira ko sana magamit
o kun ititon giraray nin kino
tsaga-tsagaan ko na
ta perang beses na sana man
gayod ini bubuluson.
Monday, November 16, 2009
Thursday, November 5, 2009
An mga Inaaling kan Banggi
Ngunian
nakamaratian
an kapagalan.
Ngunian
na nagpapahingaw
na an kinaban.
Ngunian
Pagkatarapos
kan gabos
Ngunian
giraray
nangururos.
nakamaratian
an kapagalan.
Ngunian
na nagpapahingaw
na an kinaban.
Ngunian
Pagkatarapos
kan gabos
Ngunian
giraray
nangururos.
Friday, October 30, 2009
Bulan nin mga Gadan
Minsan gusto kong isipon na swerte an magadan. Dai na mangangaipo, dai na mahahadit, dai na matatakot. Matatakasan an anuman na klase nin problema na pig-aatubang kan lambang buhay sa kinaban, alagad dai ko man sinasabi na problema an mabuhay.
An mga buhay dai maaapod na buhay kun bako sa mga gadan. Padagos an mga buhay na naghahanapbuhay nganing padagos na mabuhay. Dikit sana an mga buhay na boot magadan dai ko lang sherto kun may mga gadan man na gusto pa giraray mabuhay.
Padagos lugod satong magdanay an buhay. Sarong matuninong na aldaw nin mga gadan sa gabos na buhay.
An mga buhay dai maaapod na buhay kun bako sa mga gadan. Padagos an mga buhay na naghahanapbuhay nganing padagos na mabuhay. Dikit sana an mga buhay na boot magadan dai ko lang sherto kun may mga gadan man na gusto pa giraray mabuhay.
Padagos lugod satong magdanay an buhay. Sarong matuninong na aldaw nin mga gadan sa gabos na buhay.
Sunday, October 18, 2009
Oda sa Sinawisaw
Arog kaini
kun pano
pigdadakop
an pagnamit
kan kinaban,
Hinahalian
nin labsay.
Binubugtakan
nin dikit
na askad,
pait,
hamis,
harang.
Uurukagon
an gabos
sa ibabaw
kan pigbuhay
na kalayo.
kun pano
pigdadakop
an pagnamit
kan kinaban,
Hinahalian
nin labsay.
Binubugtakan
nin dikit
na askad,
pait,
hamis,
harang.
Uurukagon
an gabos
sa ibabaw
kan pigbuhay
na kalayo.
Subscribe to:
Posts (Atom)
